შეამოწმეთ კოსმეტიკის ვარგისიანობა

შეამოწმეთ თქვენი კოსმეტიკის ვარგისიანობა. ამაში დაგეხმარებათ სპეციალური პორტალი http://checkcosmetic.net/, რომლის საშუალებითაც ძალიან მარტივად შეგიძლიათ შეამოწმოთ კოსმეტიკური საშუალების ვარგისიანობა სანამ მას შეიძენთ. სპეციალურ გრაფაში აირჩიეთ პროდუქტის ბრენდის დასახელება და კოლოფის ძირზე მითითებული კოდი. როგორც იცით, კოსმეტიკურ საშუალებებს აქვთ მოქმედების ვადა, როგორც მისი გახსინ დღიდან, ასევე გახსნამდე. ასე რომ იყავით ყურადღებით!    

კოსმეტიკური საშუალების მოქმედების ვადა

კოსმეტიკური საშუალებას აქვს მოქმედების ვადა. ჩვენ არ შეგვიძლია  მათი გამოყენება  განუსაზღვრელი ვადით..

არსებული ევროპული კანონმდებლობის მიხედვით, კოსმეტიკური საშუალებები იყოფა ორ კატეგორიად. პირველ კატეგორიას მიეკუთვნება კოსმეტიკური საშუალებები რომლებსაც  ოცდაათ თვეზე ნაკლები  აქვთ მოხმარების ვადა, ხოლო დანარჩენს ოცდაათ თვეზე მეტი. პირველ შემთხვევაში, კონკრეტული თარიღი აღინიშნება პროდუქციის ეტიკეტზე, მეორე შემთხვევაში კი, ეტიკეტზე აღნიშნული ნუმერაცია 3, 6, 9, 12, 18 ან 24 და ლათინური M გვიჩვენებს გახსნის დღიდან რამდენი თვის შემდეგ იწურება კოსმეტიკური საშუალების მოქმედების ვადა.